Mandêg dadi Pângudúd? (Båså Jåwå - Javanese)

     Ngudúd, sampéyan ngrêti têgêsé ngudúd? Ngudúd kuwi aranan gawé wóng síng nyumêt udúd, cêrutu, krètèk, utåwå åpå baé síng nganggo mbako banjúr diobong lan dingisêp nganti ngêtókaké awu. Akèh wóng síng ngómóng nèk ngudúd iså ngangêtaké awak sampéyan, pánggawé sampéyan rumångså mabúr-mabúr, ngicali sêtrès, lan nglalikaké prákårå-prákårå. Åjå ngandêl, pancèn nèk agèk sêpisan ngudúd yå ånå bênêré, nangíng bar kuwi? Sampéyan bakal dadi pêcandu udúd síng ora iså mánèh ngrumångså mabúr-mabúr utåwå ngical sêtrès, lan sampéyan bakal éntúk prákårå-prákårå anyar síng dimêrgåkaké såkå prákårå káwarasan mêrgå ngudúd. Udúd múng bakal nylungsêpaké uripé sampéyan.

Wårå-wårå anti-ngudúd.

sumber: http://kemonbaca.blogspot.com/2012/08/bahaya-merokok-akibat-dan-bahaya-rokok.html

Náng ngisór iki komposisi zat síng dikandung  jroníng udúd lan cilåkåné:

• Nikotin                       : Marakaké candu lan ngrusak jejaringan utêk.
• Tar                              : Marakaké kankêr paru-paru.
• Karbon Monoksida  : Nalèni Hemoglobin síng marakaké sampéyan kálóngan oksigén. 
• Karsinogen                : Mêgawé tukulan sèl kankêr níng jêro awak.
• Iritan                          : Ngrêgêti paru-paru.

     Dudu. Kulå sanès nglintókakên kabèh wóng síng dadi pángudúd, kulå botên sêngit marang pángudúd mêrgå åpå? Mêrgå Kulå inggíh pángudúd, ora múng pángudúd, nangíng kulå iki "Pángudúd Abot". Kulå nganyak ngudúd awít róng taun kápúngkúr. Sampéyan ngrêtós? Sádurungé kulå dadi pángudúd, kulå Anti-Ngudúd  bangêt. Kulå sanuli wêgah nèk cêrak-cêrak karo wóng síng agèk ngudúd, nangíng kók kulå dadi pángudúd thå? Mêrgå faktor panggonan mêstiné, kulå botên sagêd namèngi. Kulå mêsti mikíraké kêpiyé bèn iså mandêg ngudúd nangíng kók uangèlé puóóll.

Lah nalikå kulå badhé mandêg ngudúd, kulå malah mumêt tênan mêrgå fakta iki:

1. Dóktêr lan tiyang sêpúh kulå ndawuhi kulå kudu tênan mandêg ngudúd gawé mbalèkaké káwarasan kulå lan nundå cilåkå såkå ngudúd.
2. Guru biyologi lan kåncå-kåncå kulå síng wís duwé pámbéngên ngandani nèk kulå ampun tênan mandêg ngudúd mêrgåné nèk pángudúd mandêg total mêngko 3-4 sasi ndé'é bakal kênå lêlårå paru-paru, dadi kulå kudu mandèg ngudúd alón-alón.

     Dadi síng ngêndi síng kudu dak pilíh? nómêr 1? utåwå nómêr 2? (ngèlå napas) kulå ora ngrêti síng ngêndi  síng luwíh bêcík kanggé kulå, nangíng kulå pikír nómêr 2 luwíh bêcík. Kulå dongå mèn mubarang wêktu kulå sagêd tênan mandêg ngudúd ora múng kulå, nangíng gawé kabèh wóng níng donyå iki. Kulå nyaranaké gawé pángudúd mèn mandêg ngudúd alón-alón gawé káwarasan sampéyan, lan kulå nyaranaké gawé síng bótên tau ngudúd Åjå ngasi ngudúd. Ora múng gawé awaké sampéyan dhéwé, nangíng gawé wargåné sampéyan, kåncå-kåncå sampéyan, lan såpå baé síng sampéyan rêmêni, ugå gawé Bhumine awak dhéwé síng kók rêmêni.